ਜਗਦੇ ਤਾਰੇ .....

-ਮਹਿੰਦਰ ਰਿਸ਼ਮ

ਇਕ ਖੱਤ ਲਿਖਣ ਦਾ ਵਾਅਦਾ ਸੀ ਤੇਰਾ
ਸਾਂਭ-ਸਾਂਭ ਰੱਖਣ ਦਾ ਇਰਾਦਾ ਸੀ ਮੇਰਾ !

ਖੱਤ ਵਿਚ ਦਿਲ ਦਾ ਤੂੰ ਹਾਲ ਸੁਣੌਣਾ ਸੀ
ਤੇਰੀ ਸੌਂਹ ਪੜ੍ਹ ਸਾਡਾ ਦਿਲ ਭਰ ਔਣਾ ਸੀ !

ਮੋਤੀਆਂ ਜਿਹੇ ਅੱਖਰ ਜਿਹੜੇ ਤੂੰ ਪਰੌਣੇ ਸੀ
ਚੁੰਮ-ਚੁੰਮ ਅਸਾਂ ਉਹ ਮੱਥੇ ਨਾਲ ਲੌਣੇ ਸੀ !

ਹਰਫ ਮੇਰੇ ਨਾਂ ਵਾਲੇ ਜਿਹੜੇ ਤੂੰ ਪਾਣੇ ਸੀ
ਮੇਰੇ ਲਈ ਉਹ ਜਗਦੇ ਤਾਰੇ ਬਣ ਜਾਣੇ ਸੀ !

ਦੋ-ਚਾਰ ਸੱਤਰਾਂ ਦਾ ਖੱਤ ਭਾਂਵੇ ਲਿਖਦਾ
ਮੇਰੀ ਸੋਚ ਵਿਚ ਉਹ ਫੁੱਲ ਬਣ ਖਿੜਦਾ !

ਉਡੀਕ ਫਿਰੇ ਓਧਰੀ ਤੇ ਦੇਹਲੀ ਉਦਾਸ ਏ
ਚਿਤ ਡਾਂਵਾਡੋਲ ਪਰ ਨਿੱਕੀ ਜਿਹੀ ਆਸ ਏ !