ਮੁਹੱਬਤ ਦਾ ਆਧਾਰ

- ਸੁਖਦਰਸ਼ਨ ਧਾਲੀਵਾਲ

ਅਜੀਬ ਜੇਹੇ ਦਰਦ ਦੀ
ਜਾਗ ਉੱਠੀ ਹੈ
ਮੇਰੇ ਅੰਦਰ ਇਕ ਪਿਆਸ !
ਦੇ ਗਿਆ ਸੀ ਜਦ ਮੈਨੂੰ
ਮਹਿਰਮ ਮੇਰਾ
ਸੰਦਲੀ ਜੇਹਾ ਅਹਿਸਾਸ !
ਜਿਸ ਦੇ ਬੋਲਾਂ ਵਿਚ ਸੀ
ਅੰਮ੍ਰਿਤ ਜੇਹੀ ਮਿਠਾਸ !
ਇਕ ਪਲ ਵਿਚ ਹੀ
ਪਹਿਨਾ ਗਿਆ ਸੀ ਉਹ
ਮੇਰੀ ਰੂਹ ਨੂੰ
ਚਾਨਣ ਦਾ ਲਿਬਾਸ !
ਹੋ ਗਿਆ ਹੈ ਹੁਣ ਦੱਸਣਾ
ਮਹਿਰਮ ਨੂੰ ਦਰਕਾਰ !
ਕਿ ਰਸ ਘੋਲ ਰਹੇ ਨੇ
ਸਾਡੀ ਰਗ ਰਗ 'ਚ
ਤੇਰੀਆਂ ਮਹਿਕਾਂ ਦੇ ਮਲਹਾਰ
ਤੇਰੀ ਸ਼ਬਦ-ਰਹਿਤ ਤਰੰਗ ਦਾ
ਹੈ ਅੰਤਸ ਵਿਚ ਸਤਿਕਾਰ
ਮੇਰੀ ਹਰ ਧੜਕਣ ਚੋਂ
ਉੱਠ ਰਹੀ ਹੈ
ਸਿਜਦੇ ਦੀ ਝਣਕਾਰ
ਤੂੰ ਇਕ ਅਪਾਰ ਆਸ਼ਨਾ
ਕੋਰੇ ਜੋਬਨ ਦਾ ਨਿਖਾਰ
ਮੈਂ ਹਾਂ ਇਕ ਜੋਗੀ
ਜਿਹੜਾ ਰਹਿੰਦਾ ਵਿਚ ਖ਼ੁਮਾਰ
ਨਿਰਸ਼ਬਦ ਜੇਹੇ ਇਤਿਹਾਸ ਵਿਚ
ਇਹ ਰਿਸ਼ਤਾ ਹੈ ਅਪਾਰ
ਜਿਸ ਵਿਚ ਮੇਰੀ ਮੁੱਹਬਤ ਦਾ
ਹਰ ਨਕਸ਼ ਹੈ ਨਿਰ-ਆਕਾਰ !
ਮੇਰੀ ਅਤਰਿਪਤੀ ਹੀ ਹੈ
ਮੇਰੀ ਮੁਹੱਬਤ ਦਾ ਆਧਾਰ !

आखिर क्यूँ? (Edited by Editor)

- डा. रंजू सिंह

हम न गुज़रें,
तेरी गली के
पास से भी कभी,
चले आते हो
तुम फिर भी
मेरी ओर
आखिर क्यूँ?

हम न लायें
ज़िक्र भी तेरा
जुबां पर अपनी
तुम आ जाते हो
फिर भी
मेरी हर गुफ्तगू में क्यूँ?

राहें जुदा,
घर हैं जुदा,
जुदा तो ख्यालात भी,
मिल जाता है
तेरा का हर छोर
मेरी ही गली से
फिर क्यूँ?

कर लिया है
यूं तो मैंने इलाज
दर्द-ए-दिल का,
याद आ जाते हो
किसी तरह
मुझे हर सुबह-ओ-शाम
तुम फिर क्यूँ?

प्यार नहीं,
आरज़ू नहीं
दिलकशी नहीं
तन्हाई भी नहीं,
महक सी आती है
मुझे फिर भी
तेरे गीतों से
आखिर क्यूँ?

टूट चूका दिल,
टूट चूका रिश्ता,
टूट गए ख्वाब,
खो गए तुम,
खो गयी मैं,
फिर भी याद तेरी
आती है
नजाने पल-पल क्यूँ?

ਬੇੜੀ ਦਾ ਪੂਰ

- ਬਿਕਰਮਜੀਤ ਸਿੰਘ ਜੀਤ

ਦੁਨੀਆਂ ਦਾ ਇਹ ਸਫ਼ਰ ਅਨੋਖਾ
ਵਾਕਣ ਬੇੜੀ ਦਾ ਇਕ ਪੂਰ
ਮਿਲੇ ਸੰਜੋਗੀਂ ਮਿੱਤਰ ਸਬੰਧੀ
ਜਾਣਾਂ ਨੇੜੇ ਕਿਸੇ ਜਾਣਾਂ ਦੂਰ
 
ਕਲ੍ਹੇ ਆਣਾਂ ਹੈ ਕਲ੍ਹਿਆਂ ਜਾਣਾਂ
ਖੇਡ ਬਣਾਈ ਉਸ ਕਰਤਾਰ
ਸਫ਼ਰ ਸੁਹਾਣਾਂ ਕਰਲੈ ਅਪਣਾਂ
ਵੰਡਕੇ ਖੁਸ਼ੀਆਂ ਨਾਲੇ ਪਿਆਰ
 
ਸਾਥੀ ਜਿੰਨੇਂ ਏਸ ਸਫ਼ਰ ਦੇ
ਨੇਂ ਸਾਰੇ ਪ੍ਰਭੂ ਦਾ ਅੰਸ਼ ਸਮਾਨ
ਕਰ ਸੇਵਾ ਕੰਮ ਆ ਕਿਸੇ ਦੇ
ਖੁਸ਼ ਹੋਸੀ ਓਹ ਕ੍ਰਿਪਾਨਿਧਾਨ
 
ਭਰ ਦੇ ਤੂੰ ਢਿਡ ਕਿਸੇ ਭੁੱਖੇ ਦਾ
ਬਣ ਲੋੜਵੰਦ ਦਾ ਮੱਦਦਗਾਰ
ਕਿਸੇ ਅਬਲਾ ਦੀ ਪੱਤ ਬਚਾ ਲੈ
ਕਿਸੇ ਅਨਾਥ ਤੇ ਕਰ ਉਪਕਾਰ
 
ਭੁੱਲੀਂ ਕਦੇ ਨ੍ਹਾਂ ਉਸ ਦਾਤੇ ਨੂੰ
ਜਿਸਤੋਂ ਵਿਛੜ ਕੇ ਆਇਐਂ ਤੂੰ
ਕੀਰਤ ਗਾ ਲੈ ਸਦਾ ਓਸਦੀ
ਕਰਲੈ ਸਫ਼ਰ ਸਫ਼ਲ ਇਹ ਤੂੰ
 
ਤੱਜ ਕੇ ਅੱਕਲ ਤੇ ਚਤਰਾਈ
ਸੁੱਥਰੀ ਮੱਤ ਕਰ ਅੰਗੀਕਾਰ
'ਜੀਤ' ਤੂੰ ਹੋ ਕੇ ਵੇਖ ਪ੍ਰਭੂ ਦਾ
ਲਾਸੀ ਓਹ ਤੇਰੀ ਬੇੜੀ ਪਾਰ